"Ливерпуль" бош мураббийи Брендан Роджерс Англия лига кубогида "Челси"га қаршу учрашувдаги мағлубиятдан сўнг (0:1) фикрлари билан ўртоқлашди.

"Футболчилар қойилмақом ўйин кўрсатишди. Икки ўйинда ҳам биз "Челси"дан яхшироқ ўйнадик. Бизда жудя хши вазиятлар бўлди, аммо гол ура олмадик. Мен футболчиларимдан фахланяпман, менда ҳозир бошқа туйғу йўқ. Улар қўлларидан келган барча ишни қилдилар.

Стерлинг, Коутиньонинг вазиятлари. Агар икки ўйинга назар ташлайдиган бўлсак, уни "Челси" посбони ютди. Топ-савиядаги дарвозабон. Бугун ҳам, бир ҳафта олдин ҳам бизга Куртуа тўсиқ бўлди.

Ҳар жабҳада устун бўлдик, аммо керакли голларни ура олмадик. Рақиб гол урган вазиятда тўпни жуда осон йўқотдик ва яхшироқ ўйнашимиз керак эди.

"Ливерпуль" чемпионлар лигасига қайтмоқчи, шунинг учун ҳаракат қилади", - дейди Роджерс.