"Милан" бош мураббийи Филиппо Индзаги Италия кубоги чорак финалида "Лацио"га қарши учрашувда мағлубиятга қарамай (0:1), шогирдларнинг ўйинидан қониқди.

"Афсусдаман, мағлубиятга лойиқ бўлмаган ўйинимизда мағлуб бўлдик. Баъзи вазиятларда омадимиз келмади, аммо жамоа бор кучини бериб ўйнади. Ҳозир ўзимиз кўрсатишимиз мумкин бўлган ўйинларни кўрсата олмаяпмиз, аммо ишлашда давом этишимиз керак. Бугун бир дўстим сэр Алекс Фергюсонга "МЮ"даги биринчи чемпионлик учун етти йил керак бўлганини айтди. Албатта, ўзимни Фергюсонга тенгламоқчимасман, аммо мураббийлар билимдони Манчини ҳам муаммоларга дуч келмоқда.

Умид қиламанки, тез орада аввалги "Милан" бўламиз. Биз А серияда учинчи ўрин учун курашаётган "Лацио" билан тенгма тенг ўйнадик. Шанба кунги ўйин натижаси ҳаққоний эди, аммо бугун яхшироқ ўйнадик ва кўроқ вазиятлар яратдик. Паццинининг голи бекор қилинди, Черчи билан вазият шубҳали бўлди.

Ортимда бутун клуб турибди. Ишимни давом эттиришимга имкон беришларига умид қиламан ва биргаликда қийин вазиятдан чиқиб кетамиз деб ўйлайман. Агар мени истеъфога чиқаришмаса, бутун умр "Милан"да қолишдан бахтиёр бўлардим. Бу иш- ҳар доимги орзум.

Бу ишда доим ўқиш ва ўсиш керак. Ўйинчилар сени қўллашларни кўриш жуда ёқимли. Сочимда бир нечта оқ толаларни кўрдим. Демак, мураббий сифатида ўсмоқдаман. Бу нормал ҳолат", - дейди Индзаги.