"Ливерпуль" бош мураббийи Брендан Роджерс "Челси" ҳужумчиси Диего Костанинг Англия лигаси яримфиналида "қизиллар" яримҳимоячиси Эмре Жанга нисбатан қўполлиги борасида фикр билдирди.
"Стэмфорд Бридж"да ўтган ушбу учрашув 1:0 ҳисобида "Челси"нинг ғалабаси билан тугаган эди.
"У жуда ачинарли кўринди. У бундай қилиши керак эмас эди, бу қилиқ ўйинни безамайди. Балки, у жуда ажойиб ўйинчидир, аммо Эмре Жан билан бўлган вазиятда сакраб ўтиб кетса ҳам бўлар эди. У эса Жаннинг тўпиғини босиб ўтди, бу жуда ёмон оқибат билан тугаши мумкин эди.
Шунга ўхшаш ҳодиса Шкртел билан бўлди. Бу жуда қайғули, футболда бундай ишларга ўрин йўқ. Диего Коста ўз ҳулқини ҳакамлардан яширишга уста футболчи. Унинг бундай қилиқлари ҳафсаламни пир қилади", - дейди Роджерс.
