"Бавария"нинг фахрий президенти Франц Беккенбауэр жамоа бош мураббийи Хосеп Гвардиоланинг келажаги борасида фикр билдирди.
"Мен Гвардиоланинг "Бавария"да 10 йил қолишини исташимни айтганман. Бунга умид қилишда давом этяпман. У бошқа клубларда ишлаш учун бундан яхши шароит топишга қийналади. У эндигина 44 ёшга тўлди ва бошқа клубларни бошқаришга улгуради. Аммо у шартномани узайтиришга мажбур эмас, унинг даражасидаги мураббийлар ўзлари хоҳлаган жойда ишлаши мумкин", -- дейди Беккенбауэр.
Эслатиб ўтамиз, Гвардиола яқинда жамоа мухлислари билан учрашди ва "Бавария"даги ишлари ҳақида ўтган замонда гапирди. Мутахассиснинг клуб билан амалдаги шартномаси 2016 йилгача тузилган.
