"Пахтакор" ОЧЛ-2015даги иштирокини 24 февраль куни Тошкентдаги ўйин билан бошлайди.

1-турда "Пахтакор" ўз майдонида саралаш босқичи ғолибига қарши майдонга тушади. Ўша куни "Нафт" (Эрон) - "Ал Жаиш" (Қатар)/"Наҳда" (Уммон) учрашувларида ғалаба қозонган клуб меҳмон бўлади.

Клуб рамий сайти "Пахтакор"нинг Чемпионлар лигаси 2015 йилги мавсумидаги уй ўйинлари учун аккредитациядан ўтиш жараёни бошланганини маълум қилмоқда.

Аккредитациядан ўтган ОАВ вакиллари "Пахтакор" иштирокидаги уй ўйинларини медиа трибунадан томоша қилиш, матбуот анжуманларида иштирок этиш, микст зонада футболчилардан интервью олиш, медиа марказда ишлаш ва журналистларга яратилган қулайликлардан фойдаланиш ҳуқуқига эга бўлишади. Аккредитациядан ўтиш учун 3Х4 ҳажмида бир дона расм, паспорт нусхаси ва иш жойидан хат электрон кўринишда pakhtakortashkent@gmail.com манзилига жўнатилиши лозим.