Эркин кураш бўйича Франциянинг Париж шаҳрида ўтказзилган Paris Grand Prix халқаро турнирида ўзбекистонлик спортчи Рашид Қурбонов ғолиб бўлди. У мусобақада 74 кг вазн тоифасида қатнашиб, финалда россиялик рақиби Осман Исаков устидан осонлик билан ғалаба қозонди. Ўйинда 10:2 ҳисоби қайд этилган.
Эслатиб ўтамиз, Рашид Қурбонов ўтган йили Жанубий Кореянинг Инчхон шаҳрида ўтказилган Осиё ўйинларида олтин медални қўлга киритган, бироз ўтиб, Қозоғистонда бўлиб ўтган эркин кураш бўйича Осиё чемпионатида бронза медал билан кифояланган эди.
Рашид Қурбонов 2014 йил якунлари бўйича Дунё Кураш уюшмаси (UWW) тузиб чиққан рейтингда эркин кураш йўналишида 7-ўринда қайд этилган.
