“Насаф”нинг ОЧЛ-2015даги рақиби “Ал-Аҳли” клуби ўз сафига яна бир бразилиялик легионерни қўшиб олди.

Бундан бироз аввал “Ал-Аҳли”нинг 23-рақамдаги бразилиялик легионер ҳужумчиси Анолдо Батиста Графите “Ас-Садд” клубига ўтган эди.

Клуб раҳбарияти унинг ўринини тўлдириш учун, бошқа яна бир бразилиялик футболчини жамоа сафига таклиф қилди. Афтидан бу сафар клуб селекцияси жуда муваффақиятли амалга оширилган кўринади. Бу ҳақда клуб расмий сайтида жуда кўп хабарлар берилмоқда. Янги легионер футболчи 1989 йилда туғилган Эвертон Рибейродир, бунгача у Бразилиянинг “Крузейро” клубида тўп тепган. Ушбу клуб сафида 2013 йил Бразилия чемпиони ҳам бўлган.

У, шунингдек, 2009 йили Жанубий Америкада ўтказилган U-20 жамоалари ўртасидаги чемпионатда Бразилия терма жамоаси аъзоси сифатида бош совринни қўлга ҳам киритган.

У айни пайтда ҳужумкор ярим ҳимоячи бўлиб, аслида чап қанот ҳимоя чизиғида ҳам тўп сўрган.

Эвертон Аугусто Рибейро де Баррос 2013-14 йилларда бразилияда энг яхши футболчилардан бири сифатида тан олинган.

Янги футболчи бугундан “Ал-Аҳли” клуби билан шартнома имзолаган ва 8-рақам остида тўп сўрадиган бўлган.