Хитойнинг Чэнду шаҳрида U-15 ёш тоифасидаги футболчилардан иборат жамоалар ўртасида халқаро турнир ўтказилаётгани ҳақида хабар бериб ўтгандик.

Мусобақада мезбонлар “Сунгдо” (Хитой), “Кионгидо” (Жанубий Корея), “Юсонён” (Шимолий Корея) ва “Бунёдкор” (Ўзбекистон) жамоалари иштирок этишди.

Бош соврин учун ўтказилган финал баҳсида Отабек Ғуломхўжаев бошчилигидаги “Бунёдкор-2000” футболчилари Шимолий Кореянинг “Юсонён” жамоаси билан куч синашишди. Учрашувнинг асосий вақтида кучлар тенг келди – 0:0. Шундан сўнг ғолиб пенальтилар сериясида аниқланди. Унга кўра, бунёдкорчилар 4:3 ҳисобида устун келишиб, мусобақа чемпионлигини қўлга киритишди.

Отабек Ғуломхўжаев ва Ёрқин Назаров бошчилигидаги ёш футболчиларимизни ушбу муваффақият билан муборакбод этамиз.