ФИФА президентлиги учун номзодини қўйган Луиш Фигудан ташкилот ушбу шахснинг сўнгги икки йил ичида футбол структурасида фаолият олиб борганини тасдиқловчи ҳужжатларни талаб қилмоқда. Бу нарса президентликка номзодини қўяётганлар учун муҳим шартлардан бири ҳисобланади, деб хабар қилади championat.com.
Афсонавий португал футболчини Португалиядан ташқари Черногория, Македония, Люксембург, Дания ва Польша ассоциациялари қўллаб-қувватлаганди. “Интер”да 2005-2009 йилларда тўп сурган Фигу фаолиятини якунлаганидан кейин “нерадзурри”нинг элчиси бўлиб ишлади.
Fotball Espana нашрининг хабарига кўра, айни вақтда номзодларнинг ҳужжатларини ўрганиб чиқаётган ФИФА Фигунинг заявкасини рад қилиши мумкин экан. Чунки ташкилот президенти бўлишга номзод шахс сўнгги беш йил ичида камида 2 йил футбол соҳасида ишлаши керак.
Айни вақтда ФИФА президентлигига Фигудан ташқари ташкилотнинг амалдаги раҳбари Йозеф Блаттер, Иордания шаҳзодаси Али бин Ал Ҳусайн ва Нидерландия Қироллиги футбол иттифоқи раҳбари Михаэль ван Прааг номзод бўлиб туришибди.
