"Барселона" ҳимоячиси Дани Алвес фаолиятини бошқа клубда давом эттириш вариантларини кўриб чиқмоқда.
Бу ҳақда футболчининг агенти Динор Сантана маълум қилган.
"Барселона" у билан шартномани узайтириш бўйича ҳатто сўз ҳам очмади. Менимча, бу сукут Даннининг каталонияликларга бошқа керак эмаслигини билдиради. Шунинг учун янги жамоа қидиришни бошладик.
Биз "Барселона"ни кутмоқчи эмасмиз, биринчи қадамни клуб қўйиши керак. Алвес клубда етти йил ўйнади, ўзини профессионалларча тутди ва у бошқача муносабатга лойиқ.
Улар бир ойдан буён янги спорт директори топа олмаяптилар, бу муаммо бўлмоқда. Алвес эса бошқа клублар билан ҳозироқ музокара бошлаши мумкин", - дейди Динор Сантана.
