"Реал" клуби "Вильярреал"да ижарада ўйнаётган яримҳимоячиси Денис Черишевни 20 миллион евродан камига сотмоқчи эмас.
Бунинг устига мадридликлар футболчи билан ҳозир хайрлашмоқчи ҳам эмаслар. "Реал" мавсум тугашини кутмоқда, шунда Черишев фаолятини давом эттириш вариантларини кўриб чиқади. Мадридликлар 24 ёшли футболчининг ҳар бир ўйинини кузатиб бормоқдалар ва хулоса чиқармоқдалар, дея хабар беради Marca.
Черишевнинг "Вильярреал"даги ижара шартномасида мавсум сўнгида футболчининг ҳуқуқларини сотиб олиш кўзда тутилмаган, шунинг учун Денис ёзда "Реал"га қайтиши мумкин.
Черишев бу мавсум примерада 19 учрашув ўтказиб, 4 гол урган ва 8 голли узатма оширган.
