Хабарингиз бор, 17 февраль куни Тошкентда ОЧЛ-2015 плей-офф босқичи доирасидаги “Бунёдкор” – “Ал-Жазира” учрашуви бўлиб ўтади.

Осиё футбол конфедерацияси ушбу учрашувга тайинланган ҳакамлар гуруҳини эълон қилди. Унга кўра, “Бунёдкор” – “Ал-Жазира” учрашувини Алиризо Фағоний бошчилигидаги эронлик ҳакамлар гуруҳи бошқариб боради.

Халқаро фаолиятини 2008 йилдан бошлаган Алиризо Фағоний бунгача “қалдирғочлар”нинг 2013 йилги Чемпионлар лигаси гуруҳ босқичи доирасидаги “Бунёдкор” – “Поханг Стилерз” (2:2) учрашувини бошқарган.

“Бунёдкор” – “Ал-Жазира” учрашувига тайинланган эронлик ҳакамлар гуруҳи куни кеча ўтказилган Осиё кубоги-2015 финал учрашувида ҳам ҳаракат қилишди.

17.02.2015
Осиё Чемпионлар лигаси. “Плей-офф” учрашуви
Тошкент. “Бунёдкор” стадиони. Соат 17:00
“БУНЁДКОР” (Ўзбекистон) – “АЛ-ЖАЗИРА” (БАА)
Рефери: Алиризо Фағоний
Рефери ассистенти 1: Ризо Сохандан
Рефери ассистенти 2: Муҳаммадризо Аболфазлий
Тўртинчи ҳакам: Ҳасан Акрами (барчаси – Эрон)
Ҳакамлар эксперти: Жассим Муҳаммад Ал-Ҳаил (Қатар)
Учрашув комиссари: Муҳаммад Саид Ал-Масрий (Сурия)