Қозоғистоннинг "Иртиш" клуби бош мураббийи, "Вильярреал" клуби яримҳимоячиси Денис Черишевнинг отаси Дмитрий Черишев ўғлининг фаолияти ҳақида фикрларини билдирди.
"Ўғлимни Суарес тишлаб олишидан қўрқмайманми? Қўрқинчли жойи йўқ - зелёнка суртиб қўямиз. Аммо ўйлайманки, Суарес Англияда ва мундиалда рақибларини тишлаб тўйиб бўлди ва энди тинчланиб, буни бошқа такрорламаса керак.
Денис "Барселона" футболчиси Рафиньянинг бурнини синдирди? Бу тасодиф эди. Ўғлим баланда сакраб бош билан ўйнади ва қўлини ёзган вақтда "Барса" ўйинчисига тегиб кетди. Футбол - эркаклар ўйини", - дейди катта Черишев.
