"Севилья" бош мураббийи Унаи Эмери Испания чемпионати 16-турининг "Реал"га қарши қолдирилган учрашувидага мағлубиятда (1:2) ҳакамни айблади.
"Беранбеу"да ўйнаш жуда қийин, аммо 90 дақиқа кураша олганимиздан фахрланаман. Ишонч билан айтишим мумкинки, "Севилья" бундан кўпроғига лойиқ эди. Голни жуда кеч урдик. Бетудан хавотир олмасак ҳам бўлади, у бир неча тестлардан ўтиши керак.
Серхио Рико ажойиб ўйин ўтказди, биринчи бўлимда захирадан тушиб, бир неча марта голдан қутариб қолди. Футбол яккакурашларга бой ўйин. Бугунги ўйин қўпол бўлмасада, анча зиддиятли бўлди. Шунинг учун ҳакамга жуда қийин бўлганини тушунаман. Аммо ""Севилья" у туфайли очко йўқотди", - дейди Эмери.