"Реал" бош мураббийи Карло Анчелотти Испания чемпионати 16-турининг "Севилья"га қарши қолдирилган учрашувидаги ғалабадан сўнг (2:1) захирадан тушиб ўйинга қўшилиб кета олган ҳужумчи Хесе ҳақида илиқ сўзлар билдирди.
"Бутун ўйин давомида жамоам кўрсатган ўйин ёқди. Иккинчи бўлимда ғолиб ким бўлиши ҳақидаги саволни кун тартибидан олиб ташлаш учун етарли имкониятларга эга бўлдик. Аммо "Севилья" ҳам яхши ўйнади. Ўйин охирида бизга осон бўлгани йўқ. Рақиб юқори савияли футбол кўрсатди.
Хесе эса ўзининг ўтган йилдаги нусхасига ўхшамоқда . У тиришиб меҳнат қилди ва аввалги ҳолатига қайтди. У ўйинга яхши киришиб кета олди ва ғалабамизга ёрдам берди", - дейди Анчелотти.
