"Интер" бош мураббийи Роберто Манчини Италия кубогининг 1/4 финалида "Наполи"га қарши учрашувдаги мағлубиятдан сўнг (0:1) фикрларини билдирди.
"Қора-кўклар" учрашувнинг 93-дақиқасида гол ўтказиб юбордилар.
"Айтадиган гапим йўқ. Бундай голларни ўтказиб юбориш керакмас. Шунчаки керакмас! 30 сония қолганди-я! Бунгача бир яхши ўйнаб турган эдик, рақибга гол урдирмаслигимиз керак эди. Бир нарса дея олишим мумкин - биз тентаклармиз.
Игуаиннинг маҳоратига кўз юма олмайман, аммо унинг атрофида бешта ўйинчи бор эди, улар бунга қаршилик кўрсата олмадилар.
Охирги марта қаторасига учта ўйинни қачон ютқазганимни эслай олмайман. Балки, ўн йил аввал бўлгандир. Брозович, Сантон ва Пушкаш каби янги ўйинчилардан мамнунман, яна жамоа бўлиб шаклганимиздан мамнунман, аммо бу хато ҳақиқий шок бўлди", - дейди Манчини.
