"Манчестер Юнайтед" бош мураббийи Луи ван Гал талончилардан руҳий зарар кўрган Анхель Ди Мариянинг "Кембридж"га қарши учрашувда майдонга тушганлиги борасида фикрини билдирди.
Эслатиб ўтамиз, учрашувдан бир кун олдин футболчининг уйига талончилар ҳужум қилган, аммо эшик сигнализацияси ишлаб кетганидан сўнг қочиб қолишган эди. Шундан сўнг Ди Мария оиласи билан меҳмонхонага кўчиб ўтди.
"Унинг ҳолатини тушунаман. У билан суҳбатлашдим, Ди Мария "Кембридж"га қарши майдонга тушишини сўради. Бундай ҳолларда футболчиларни ўйнашга зўрлай олмайман. Ди Марияга имконият бердим ва бундан хурсандман", - дейди Ван Гал.