“Бухоро”  пойтахтдаги йиғинда жуда кўплаб футболчиларни синовдан ўтказиб оляпти. Кеча жамоани икки легионер – Богдан ва Чемертан тарк этган. Улардан бири жароҳат туфайли, иккинчиси эса мураббийларга маъқул бўлмаганлиги сабабли жамоани тарк этди, деб хабар қилади pfcbuxoro.com.

Куни кеча жамоа билан тажрибали ҳужумчи Зайниддин Тожиев келишувга эришди ва расман, “Бухоро” футболчиси сифатида келаси мавсумни бошлайди.

Олий лигада “Академия”, “Пахтакор”, “Локомотив”, “Шўртан”, “Нефтчи”, “Динамо” каби клублар шарафини ҳимоя қилган катта Тожиев, қатор назорат учрашувларидан сўнг мураббийларда илиқ таассурот қолдира олди.

Якунланган мавсумда “Динамо” таркибида ўйнаган ҳужумчи 25та учрашувда 2та гол урди.

Жамоа яна бир тажрибали ҳимоячи билан деярли келишувга эришиб бўлди. Мавсумни “Нефтчи”да якунлаган Вячеслав Понамарёв ҳозирги кунда “Бухоро” машғулотларида қатнашиб келмоқда. Унинг хатти ҳаракатлари мураббийларга маъқул келмоқда. Понамарёв жуда катта эҳтимол билан янги мавсумни “Бухоро”да бошлайди.