Куни кеча “Нефтчи” жамоасининг техник директори Шерзод Раимжонов “Рухсор” радиосининг “Спорт сайёраси” дастури меҳмони бўлди. Дастур муаллифи Ҳожиакбар Жабборов билан бўлиб ўтган жонли мулоқотда клубга доир бир қатор саволлар ўртага ташланди.
Икки соат давом этган жонли эфирда Раимжонов саволларга жавоб берар экан, жамоанинг фан-клубини очиш масаласига тўхталиб ўтди. Унга кўра, “Нефтчи” жамоаси Туркиядаги йиғини ўз ниҳоясига етганидан сўнг 28 февраль куни клуб раиси Тоҳир Кападзе “Нефтчи” ишқибозлари билан учрашади ва мазкур учрашувда мухлислар жамоаси ташкил этилиб, унга сардор сайланади. Мухлислар жамоасига янги мавсумда сафар ва уй учрашувларида барча шароитларни яратиб берилиш режага киритилган.
“Рухсор” ТРК ахборот хизмати.
