“Фиорентина” спорт директори Даниэле Праде унинг жамоаси ярим ҳимоячи Муҳаммад Салоҳнинг ҳуқуқларини “Челси”дан қанча сумма эвазига сотиб олиши мумкинлигини айтиб ўтди.

“Биз Салоҳни 15 млн еврога сотиб олиш ҳуқуқига эгамиз. Бизнинг “Челси” билан муносабатларимиз жуда яхши. Кейинги 18 ой ичида вазият қандай ривожланишини кўрамиз”, - деб Праденинг сўзларидан келтиради soccer.ru.

Эслатиб ўтамиз, Салоҳ бугун янги жамоаси сафида дебютини ўтказди. “Аталанта” (3:2) билан ўйинда у захирадан майдонга тушди.