“Насаф”нинг ОЧЛ-2015даги рақиби Эроннинг Табрез шаҳри “Тракторсозий” клуби расмий сайтининг тарқатган хабарига кўра, жамоа бош мураббийи Расул Хотибий кейинги турлардаги қониқарсиз натижалар учун эгаллаб турган лавозимидан озод этилди.

Айни пайтда жамоани вақтинчалик бошқариш, клубда фаолият олиб бораётган мураббий Хадир Раҳимзода зиммасига юкалтилган. Клуб расмий сайтида жамоага қайси янги мутахассис таклиф этилиши тўғрисида ҳозирча маълумот берилмаган.

Ҳозирги кунгача Эрон Пролигасида 18та учрашув ўтказган “Тракторсозий” ҳисобида 32 очко бор ва мусобақа жадвалининг 5-поғонасини эгаллаб турибди.

Эслатиб ўтамиз, “Насаф” ОЧЛ-2015даги илк учрашувни 25 февраль чоршанба куни ўз майдонида “Тракторсозий” клубига қарши ўтказади.