Мадриднинг "Реал" клуби айни дамда "Вильяреал" сафида ижарада ўйнаётган Денис Черишевни мавсум якунлангач ўз жамоасига қайтаришни режалаштирмоқда.
Маълумотларга кўра, "Реал" россиялик футболчига айни пайтда "Реал" сафида ўйнаётган Хесенинг амплуасида ўйнатишни мақсад қилган. Унга кўра, Черишев "Реал"да Криштиану Роналду ва Гарет Бэйлга ўринбосар бўлади.
Эслатиб ўтамиз, асли "Реал"га тегишли бўлган Денис Черишев январь ойи якунларига кўра "Вильяреал"нинг энг яхши футболчиси деб топилган эди. Ушбу мавсумда эса "Вильяреал" сафида 20та учрашувда 4та гол урган ва 9та голга ассистентлик қилган.