"Ювентус"нинг 22 ёшли яримҳимоячиси 75 миллион фунт эвазига собиқ клуби "Манчестер Юнайтед"га қайтиши мумкин.
Daily Star хабарига кўра, француз футболчиси яқиндагина клуби билан 2019 йилгача шартномасини узайтирганига қарамай, музокаралар бошланди.
"Манчестер Юнайтед"дан эркин агент сифатида "Ювентус"га ўтган Погбани қайтариш учун манчестерликлар 75 миллион фунт (101,5 млн евро) тўлашга тайёрлар. Бу янги трансфер рекорди бўлиши мумкин. Эслатиб ўтамиз жорий рекорд "Тоттенҳэм"дан "Реал" сафига 100 млн евро эвазига ўтган Гарет Бэйлга тегишли.
Погбанинг "МЮ"даги ҳафталик маоши 155 минг фунт бўлиши айтилмоқда (ҳозирда у 70 минг фунт олмоқда). "Юве" бу пулларга ёзда Радамель Фалькао ва Матс Ҳуммельсни сотиб олишга уриниб кўради.