"Барселона" бош мураббийи Луис Энрике Испания кубоги яримфиналида "Вильярреал"га қарши биринчи учрашувдан сўнг (3:1) фикрларини билдирди.

"Яхши натижа, аммо, бунданда йирикроқ ҳисоб бўлиши мумкин эди. Бундан кўпроғига лойиқ эдик.

Жамоа ўйини ёқди, айниқса тўп билан қандай муомала қилганимиз. Қарши ҳужумларда жуда яхши ҳаракат қилдик, лекин тўғриси, "Вильярреал"дан ҳимоявий футбол кутмаган эдим.

3:1 ҳисоби жавоб учрашуви олдидан руҳан ёрдам беради, меҳмонда ҳам ғалаба қозонишга ҳаракат қиламиз. Ўйин оғир бўлади. Мақсадимиз - гол уриў эмас, финалга чиқиш.

Пенальтини кимлар тепади? Биз рўйхат тузамиз, қолганини футболчиларнинг ўзлари ҳал қилишади", - дейди Энрике.