Англия терма жамоаси бош мураббийи Рой Ходжсон фикрича, "Тоттенҳэм" ҳужумчиси Харри Кейн терма жамоага лойиқ футболчи эканлигини малум қилди.
21 ёшли футболчи бу мавсум "шпор"лар таркибида 35 учрашув ўтказди ва 23 гол киритди. Тўпурарлар пойгасида Диего Коста ва Серхио Агуэродан ортда холос.
"Кейн яхши формага кирган. Мен унинг зафар қучиш учун тиришиб меҳнат қилгани учун хурсандман. У бу ҳолатга бир зумда эришгани йўқ. Агар сен 21 ёшингда "Тоттенҳэм"да юлдуз экансан, демак сен ҳақиқатдан ҳам яхши футболчисан. Кейнда марказий ҳужумчига керак бўладиган барча хислат бор. У Англия термасига чақирилишга лойиқ", - дейди Ходжсон.
