25 февраль куни Қаршидаги “Марказий” ўйингоҳда ОЧЛ-2015 “D” гуруҳи 1-тури доирасидаги “Насаф” – “Тракторсозий” (Эрон) учрашуви бўлиб ўтади.
Осиё футбол конфедерацияси ушбу учрашувга тайинланган ҳакамлар гуруҳини эълон қилган. Унга кўра, “Насаф” – “Тракторсозий” (Эрон) учрашувини Абдуллоҳ Муҳаммад Ал-Ҳилолий бошчилигидаги уммонлик ҳакамлар гуруҳи бошқариб боради.
Учрашув бош ҳаками – Абдуллоҳ Муҳаммад ал-Ҳилолий 1970 йил 1 сентябрь (44 ёш) куни Уммоннниг Наҳал-шаҳрида таваллуд топган. Аслида ҳарбий хизматчи ҳисобланади.
Халқаро фаолиятини 2002 йилдан бошлаган Абдуллоҳ Муҳаммад ал-Ҳилолий бунгача Осиё чемпионлар лигасида, 2008 йил Пекинда бўлиб ўтган ёзги Олимпиядада, жаҳон чемпионати саралаш учрашувларида ҳамда Осиё Кубоги баҳсларини бошқарган.
“Насаф” – “Тракторсозий” учрашувига тайинланган уммонлик ҳакамлар гуруҳи шу йили Австралияда бўлиб ўтган ОК-2015да ҳам бир қанча ўйинларни бошқарган. Жумладан, Корея Республикаси – Саудия Арабистони 1:4 ва бошқа ўйинлар.
25 февраль 2015 йил
Осиё Чемпионлар лигаси. “D” гуруҳи 1-тур учрашуви
Қарши шаҳри. “Марказий” стадиони. Соат 18:00
“НАСАФ” (Ўзбекистон) – “ТРАКТОРСОЗИЙ” (Эрон)
Бош ҳакам: Абдуллоҳ Муҳаммад ал-Ҳилолий (Уммон)
Қанот ҳаками: Ҳомид ал-Маяҳий
Қанот ҳаками: Абдуллоҳ ал-Жирданий
Захира ҳаками: Саид Ёқуб (барчаси – Уммон)
Ҳакамлар назоратчиси: Муҳаммад ас-Совил (Саудия Арабистони)
Учрашув комиссари: Донг Женг (Хитой)
