"Реал" бош мураббийи Карло Анчелотти "Депортиво"га қарши учрашувда жамоа дарвозасини Кейлор Навас қўриқлаши ҳақидаги хабарларни инкор қилди.
Италиялик мутахассиснинг сўзларига кўра, дарвоза чизиғида ҳеч қандай ўзгариш бўлмайди, шу сабабли шанба куни Икер Касильяс майдонга тушади.
Шунингдек, Анчелотти ушбу учрашувда янги футболчи Лукас Сильвани ҳам асосий таркибда туширмоқчи эмаслигини маълум қилди. Майдон марказида Тони Кроос ва Асьер Ильярраменди ўйнайдилар.
Бразилиялик футболчи захирадан туширилиши мумкинлиги тахмин қилинмоқда.