Англия терма жамоаси устози Рой Хожсон "Манчестер Юнайтед" собиқ сардори Гарри Невиллга мураббийлик фаолиятига қайтишни маслаҳат берди. Эслатиб ўтамиз, Невилл 2012 йили Хожсоннинг мураббийлар штабида ишлаганди.
“Гари ажойиб мураббий ва менежер бўлиш учун улкан салоҳиятга эга. Англияга ҳақиқатдан ҳам янги мутахассислар керак, шундай экан, у телевидениеда эмас, айнан шу соҳада фаолият юритса мақсадга мувофиқ бўларди. Эксперт бўлиш қийин эмас, ўйинни кўрасану нима ўйлаётган бўлсанг, шуни гапирасан - тамом вассалом.
Агар Невилл ўзини мураббий сифатида синаб кўрмаса, бу ҳолат бутун Англия футболи учун қимматга тушиши мумкин. Мендан сўнг термани ким қабул қилишини билмайман, аммо Гари бу лавозим учун ажойиб номзод бўларди”, - дея “СЭ” Хожсон фикрларини келтиради.
