Ушбу ҳафтада ўзбекистонлик ҳужумчи Иван Нагаевнинг отаси вафот этганига қарамай, футболчи "Ал-Қодисия" сафини тарк этмади.
У жамоаси билан "Казма"га қарши бўлиб ўтган сафар ўйинида майдонга тушди. Бу баҳсда "Қодисия" 2:1 ҳисобида ғалаба қозонди. Ушбу ғалабадан кейин пойтахтликлар 35 очко билан "Ал-Арабий"га тенглашиб олдилар.
"Қодисия"нинг испаниялик бош мураббийи Антонио "Казма"га қарши ўйиндаги ғалабани Нагаевга бағишлашини таъкидлаб, Чемпионлар лигаси ўйинига катта аҳамият қаратиш лозимлигини айтиб ўтди. "Ал-Қодисия" 17 февраль куни ОЧЛ саралаш босқичи доирасида Саудия Арабистонининг "Ал-Аҳли" клуби меҳмони бўлади.
Клуб раҳбарияти жамоанинг ОЧЛ гуруҳ босқичига чиқиши учун пул мукофотини ваъда қилди.
