Лондоннинг “Арсенал” жамоаси “Палермо” ҳужумчиси Пауло Дибала учун 40 млн евро таклиф қилган. Бу ҳақда Corriere dello Sport хабар бермоқда.
Сицилияликлар жамоаси президенти Маурицио Дзампарини ушбу 21 ёшли футболчи билан 2016 йилнинг ёзига қадар шартнома мавжудлигини маълум қилган. У ўз футболчисини 40 млн еврога сотиши мумкинлигини билдирган, “Арсенал” эса, айнан шунча маблағ бериш ниятида. Шунинг учун, бу трансфернинг амалга ошиши эҳтимоли юқорилиги айтилмоқда.
Маълумот учун, бу ёш истеъдодга “Арсенал”дан ташқари, “Манчестер Сити”, “Манчестер Юнайтед” ва “Челси” каби жамоалардан ҳам қизиқиш бўлган.
