Осиё чемпионлар лигасидан ўрин олган "Ал-Ваҳда" (БАА) ва "Ас-Садд" жамоалари ўртасидаги ўйин драматик курашлар остида ўтди.

Ўйин бошида Дамиан Диаз мезбонларни ҳисобда олдинга олиб чиқди. Иккинчи бўлимнинг дастлабки 20 дақиқасида қатарликлар 2та тўп киритиб, олдинга ўтиб олишди. 72-дақиқада Амир Умар ҳисобни тенглаштирган бўлса, қўшиб берилган 2-дақиқада Шеҳҳий "Ваҳда"нинг учинчи голини киритди. Айнан шу қўшимча дақиқаларда мезбонларнинг икки, "Ас-Садд"нинг бир нафар ўйинчиси майдондан четлатилди. 90+8-дақиқада эса доҳаликлар ҳисобни тенглаштиришди - 3:3.

Қўшимча бўлимларда томонлар яна биттадан гол уришди. 98-дақиқада Халфан Иброҳим ўзининг ўйиндаги учинчи, жамоасининг тўртинчи голини уришга муваффақ бўлишди. Орадан 10 дақиқа ўтиб, мезбонлар 9 киши бўлиб ўйнаётганларига қарамай, Исмоил Матарнинг голи эвазига ҳисобни тенглаштиришди - 4:4.

Пенальтилар серияси эса омад "Ас-Садд"га кулиб боқди. Шу тариқа, Қатар клуби "Локомотив" ўрин олган "С" гуруҳига бориб жойлашди. Бу гуруҳда "Фулад" (Эрон) ва "Ал-Ҳилол" (Саудия Арабистони) жамоалари ҳам ўрин олишган.

ОЧЛ, саралаш плей-офф.
"АЛ-ВАҲДА" (БАА) - "АС-САДД" (ҚАТАР) - 4:4
Асосий вақт - 3:3. Қўшимча бўлимлар - 1:1. Пенальтилар серияси - 4:5.
Голлар: Дамиан Диаз (8), Амир Умар (72), Муҳаммад аш-Шеҳҳий (90+2), Исмоил Матар (108) — Юсуф Аҳмад (55), Халфан Иброҳим (66, 90+8, 98)