“ПСЖ” бош мураббийи Лоран Блан “Барселона” ярим ҳимоячиси Серхио Бускетс хизматлари билан қизиқиб қолган.
Sport интернет нашрига таяниб championat.com сайтининг хабар беришича, парижликлар Испания терма жамоаси вакили учун 75 миллион евро таклиф қилишган. Аммо каталонияликлар жамоа етакчиларидан бири билан хайрлашмоқчи эмас.
Эслатиб ўтамиз, аввалроқ Бускетс ва “Барселона”нинг янги шартнома бўйича келишувга эришгани хабар қилинганди. Янги шартнома 2019 йилгача мўлжалланган, унга кўра Бускетс “Барселона”да Лионель Мессидан кейин энг кўп маош олувчи иккинчи ўйинчига айланади.
Футболчи ва клуб ўртасида шартнома узайтирилгач Бускетснинг товон пули 175 - 200 млн еврони ташкил этади.