Бугун “Пахтакор” клуби янги футболчиларни таништириш маросимини ўтказди. Клуб спорт директори Григорий Цейтлин янги футболчилар ҳақида гапириб ўтди.
“Пахтакор” ҳар доим таркибни ўз тарбияланувчилари ҳисобига тўлдиради. Лекин ҳар қандай жамоага ҳам четдан футболчи таклиф қилиниши табиий ҳол. Шу жумладан биз ҳам футболчи таклиф қилдик. Аммо уларга аҳамиёт берсангиз, Шойқулов, Алимов ва Ораховац ёш ўйинчилар ҳисобланишади.
Биз четдан футболчи таклиф қилсак, уларнинг ёшига эътибор қаратамиз. Бу учала футболчи асосий таркибга кириш учун кўп меҳнат қилиши керак. Лекин уларни жамоага ёрдам беришларига ишонамиз.
Аднан Ораховац билан 3 йиллик шартнома тузилди, у эркин агент сифатида жамоага келди. Жамоани мавсумга қанчалик тайёрлигини фоиз ҳисобида айтиш қийин, аниғи шуки, жамоа тайёр, сабаби профессионал клуб ҳар қандай мавсумда ҳам ўйнашга тайёр бўлиши керак. Аввалгидек қишда мавсум тугаганлиги ҳақидаги баҳоналар ўтмайди”.
