Англия термасининг собиқ ҳужумчиси Алан Ширернинг фикрича, "Челси"-"Бернли" учрашувини (1:1) бошқарган ҳакам Аткинсон қўпол хатоларга йўл қўйди.
"Моуриньо билан ҳамфикрман: Аткинсон ўйинни жуда ёмон бошқарди. 33-дақиқада Майкл Кэйли қўли билан ўйнади, ҳакам буни кўриши керак эди - у 10 метр нарида турган эди. Бу пенальти.
43-дақиқада Диего Коста жарима майдони ичида йиқитилди. Бу ҳам пенальти.
69-дақиқада Эшли Барнс Неманья Матичга қарши ўта қўпол ўйнади, албатта ундан кейин четлатилган сербияликнинг ҳаракатлари нотўғри, аммо мен уни тушундим. Барнс Матичнинг оёғини синдириши мумкин эди", - дейди Ширер.
