«Ювентус» ярим ҳимоячиси Пол Погба «Реал»га ўтишни истайди, дея хабар беради "Marca" нашри.
Франциялик 21 ёшли футболчи ўтган йилнинг ноябрь ойида туринликлар билан 2019 йилгача бўлган янги шартнома имзолаганди, аммо клуб билан келишувига мувофиқ "Ювентус"ни муддатидан аввал ҳам тарк этиши мумкин.
Газета маълумотига кўра, Погбани қўлга киритиш учун «Реал», «Барселона», «Манчестер Сити» ва «Челси» қизиқиш билдиришмоқда, «ПСЖ»нинг қизиқиши эса рақобатчиларникига нисбатан юқорироқ бўлмоқда. Лекин футболчининг ўзи фаолиятини «Реал»да давом эттиришни истайди.
Маълумотларга қараганда, "Қироллик клуби" Погда учун 75 миллион евро тўлашга тайёр. «Ювентус» эса ярим ҳимоячи учун 85 миллион евро талаб қилмоқда.
