"Монако" бош мураббийи Леонарду Жардим чемпионлар лигаси 1/8 финалида "Арсенал" устидан қозонилган ғалабадан сўнг (3:1) фикрларини билдирди.
"Бу мавсумдаги энг муҳим ғалабамиз бўлди. Бунгача "Байер" ва "Зенит"ни мағлуб этган эдик. Ўша ғалабалар бизни шу босқичга олиб келди.
"Арсенал"га қарши учрашув қийин бўлишини билган эдик. Биринчи бўлим осон бўлмади. Яхши ҳимояландик ва вазиятдан фойдалана олдик.
"Арсенал"да индивидуал кучли футболчилар кўп, аммо футбол жамоавий спорт тури. Бугун биз кучли бўлдик, ҳимояда жипс ўйнадик, ҳужумда ҳам яхши ўйнадик", - дейди Жардим.