"Ливерпуль бош мураббийи Брендан Роджерс фикрича, премьер-лигадаги бўлғуси рақиби "Манчестер Сити" футболчилари икки кун кўпроқ дам олиш имкониятига га бўладилар.
Эслатиб ўтамиз, АПЛнинг 27-турида "Ливерпуль" — "Манчестер Сити" учрашуви 1 март куни бўлиб ўтади. "Шаҳарликлар" 24 февраль куни ЕЧЛда "Барселона" билан учрашдилар (1:2), "Ливерпуль" эса бугун Европа лигасининг 1/16 финалида "Бешиктош" билан ўйнайди.
"Сити"даги ортиқча 48 соат ҳал қилувчи бўлиши мумкин, айниқса жсмоний тарафдан. Биз тунги 3да уйга қайтамиз, тайёргарлик ва тикланиш учун жуда кам вақт қолмоқда. Бу бизга ҳалақит бериши мумкин, аммо нима ҳам қила олар эдик, тақвим шундай. Муаммони енгиб ўтишга ҳаракат қиламиз", - дейди Роджерс.
