"Ювентус" яримҳимоячиси Андреа Пирло чемпионлар лигасининг 1/8 финалида "Боруссия"га қарши кечган учрашувда (2:1) олган жароҳати сабабли 20 кунга сафдан чиқди.
35 ёшли футболчи 37-дақиқада алмаштирилган эди.
Туринликларнинг расмий сайти хабарига кўра, футболчи ўнг оёғининг тўпиғидан лат еган ва унинг соғайиши учун 20 кун керак бўлади.
Эслатиб ўтамиз, "Боруссия"га қарши жавоб учрашуви 18 март куни Дортмундда бўлиб ўтади.













