“Бавария” клубининг франциялик ўйинчиси Франк Рибери унинг ўғли келажакда Германия терма жамоаси учун тўп суриши мумкинлиги эҳтимоли йўқ эмаслигини айтмоқда.
“Бавария” сафида 2007 йилдан бери ўйнаб келаётган Франк Рибери 2014 йилда Франция терма жамоасидаги фаолиятини якунлади. Футболчининг уч фарзанди – Хиция ва Шаҳиноз исмли икки қизи ва Салиф исмли бир ўғли бор.
“Германия фуқаролигини олиш? Нима учун йўқ. Мен ўзимни бу ерда жуда яхши ҳис қилмоқдаман, биз оиламиз билан яхши уй сотиб олдик. Менинг ўғлим Салиф Германияда туғилган, эҳтимол у бир куни Германия терма жамоаси футболкасини кийиши ҳам мумкин”, дейди Рибери.