“Бухоро” жамоасининг Туркиядаги ўқув-йиғини давом этмоқда. Жамоа кеча яна бир назорат учрашувини ўтказиб олди. Кечаги рақиб Польша чемпионатининг олий лигаси (экстракласс) лигаси иштирокчиси — “Заглембе” жамоаси бўлди.
Ушбу назорат учрашувида Александр Мочинов асосан ёшларни синовдан ўтказиб олди ва шу билан бирга асосий таркиб футболчиларнинг аксариятига дам олиш имконияти берилди.
Учрашувда польшаликлар 4:1 ҳисобида ғалаба қозонишди. “Бухоро”нинг ягона голини пенальтидан Евгений Кочнев киритди.
“Бухоро” таркиби қуйидагича кўриниш олди: Насимов, Турдиев, Шарипов, Кравческу, Понамарёв, Умаржонов, Холиқов, Асланов, Кочнев, Тожиев, Ҳасанов.
Захира: Умуров, Раҳматуллаев.
