Ўзбекистон U-23 ёшлар терма жамоаси 14 март куни Хошимин шаҳрида Вьтенам терма жамоасига қарши ўртоқлик учрашувида майдонга тушади.

Бангладеш мамлакати мезбонлик қиладиган U-23 ёшлар ўртасидаги Осиё Чемпионати саралаш баҳсларига тайёргарлик босқичидан ўрин олган мазкур учрашув 14 март куни Вьетнамнинг Хошимин шаҳрида бўлиб ўтади.

Аввалроқ Ўзбекистон U-23 терма жамоасига Бахтиёр Ашурматов бош мураббий этиб тайинлангани ҳақида хабар берган эдик.

Эслатиб ўтамиз, Ўзбекистон олимпия терма жамоаси 23-31 март кунлари Бангладешда бўлиб ўтадиган ОЧ саралаш «Е» гуруҳида иштирок этади. Ушбу гуруҳда Ўзбекистон U-23 ёшлари Бангладеш, Сурия ҳамда Ҳиндистон U-23 терма жамоаларига қарши баҳс олиб боради.