“Барселона” ярим ҳимоячиси Серхио Бускетс каталон клуби билан шартномани узайтириш ҳақида гапириб ўтди.

“Мен 26 ёшдаман ва олдинда “Барса”даги катта келажак кутиб турибди. Жароҳатлар ишимга ҳурмат кўрсатишади деб умид қиламан ва жамоа учун аввалгидек ўйнайман.

Хави, Пуйоль ва Иньеста менга ўрнак бўлишади. “Барселона” – менинг ҳаётимдаги клуб. Бу мен учун муҳим ва мен бахтиёрман”, – деб sports.ru хавбек сўзларидан келтиради.

Клуб билан ўйинчи орасидаги янги келишув 2018/19-йил мавсуми охиригача мўлжалланган, яна бир йил муддатга узайтириш шарти ҳам кўрилган.