Супер оғир вазн бўйича WBA камарининг амалдаги соҳиби Руслан Чагаев ўз совринини ҳимоя қилиш учун австралиялик Лукас Браунга қарши баҳс олиб бориши ҳақида хабар бергандик. Чагаев ушбу жангга тайёргарлик йўлида ихтиёрий равишда баҳс олиб борадиган бўлди.
Русланнинг бўлажак рақиби италиялик Франческо Пьянета (31-1, 17 КО) ҳисобланиб, тажрибали боксчи ҳисобланади. Франческо фаолияти давомида фақатгина украиналик Владимир Кличкога қарши баҳсда техник мағлубиятга учраган холос (2013 йил 5 май). Шунингдек, 1 беллашувда дуранг натижа қайд этилган бўлса, қолган барча рақибларини мағлубиятга учратган.
Ушбу жанг 25 апрель куни Германиянинг Гамбург шаҳрида бўлиб ўтади.
