«Локомотив» ва «Фулад» жамоалари ўртасидаги ОЧЛ 2-тур баҳси олдидан ўтказилган матбуот анжумани темирйўлчилар ярим ҳимоячиси Темур Кападзе ўз фикрларини билдириб ўтди.

— Темур, сиз “Бунёдкор” ва “Пахтакор” клублари орқали Эрон жамоаларига қарши ўйнагансиз. Эртанги рақиб ҳақида нима дея оласиз?
— Эрон клублари деярли бир хил услубда ўйнашади. Улар бир-биридан кескин фарқ қилишмайди. Улар асосий эътиборни жамоавий ўйинга эътибор қаратишади. “Фулад” тактик жиҳатдан яхши ўйнайди. Биринчи ўйинда ҳаяжон туфайли кўп хатога йўл қўйдик. Эртага яхши ўйин кўрсатиб, мухлисларни хурсанд қиламиз деган умиддамз.

— Биринчи ўйиндаги мағлубиятдан кейин футболчилардан тушкунлик кайфияти йўқми? Футболчилар босим остида эмасми?
— Истасак-истамасак, ҳар қандай инсон мағлубиятдан кейин тушкунликка тушади. Айниқса, у биринчи расмий ўйин бўлса. Мураббийлар штаби бунинг олдини олишга футболчиларни руҳий жиҳатдан тайёрлашга ҳаракат қилади. Эртага мухлисларимиз олдида ўзимизнинг дастлабки ўйинимизни ўтказамиз. Масъулиятни ҳис қилиб турибмиз.