"Аш Шабоб" ва "Пахтакор" жамоалари ўртасидаги учрашувдан кейин "Аш Шабаб" бош мураббийи Жейми Пачеко матбуот анжуманида иштирок этди.
Жейми ПАЧЕКО ("Аш Шабоб" бош мураббийи):
- Бугун жанговар дуранг бўлди. Гуруҳимиздаги барча жамоаларнинг кучлари тенг. Биринчи бўлимда жамоам яхши ўйнаб турганди. Бироқ иккинчи бўлимдаги "Пахтакор"нинг ўйини бизга қимматга тушди. Танаффусдан сўнг ўз дарвозамиздан бирин-кетин иккита гол ўтказиб юбордик. "Пахтакор" оддий жамоа эмас. Улар ҳам ғалаба учун астойдил курашишди ва натижада дуранг қайд этилди.