Ишониш қийин, аммо факт: мумдан қилинган Криштиану Роналдунинг ўхшашига Мадриднинг Museo de Cera музейида стилист хизматлари керак бўлиб қолди. Бу ҳақида музейнинг директорларидан бири Гонсало Преса Cadena Ser Catalunya нашрига берган интервюсида маълум қилди.
“Криштиану мумдан қилинган фигуранинг жуда соз бўлиши кераклигини айтди”, - дейди Преса. Агар у айтган гапларига ишонадиган бўлсак, ойда бир марта “Реал” ва Португалия ҳужумчиси музейга ўзининг парикмахерини юборади ва у ўхшашнинг сочи билан шуғулланади.
“Сочлар табиий. Бу синтетик парик эмас. Уларни Ҳиндистондан олиб келинади”, - дейди Преса.
