Босниялик мураббий Воҳид Халилходжич Япония терма жамоасини бошқаришга рози бўлди. Бу ҳақда Япония футбол ассоциацияси (ЯФА) техник директори Масахиро Симода журналистларга маълум қилди.
ЯФА техник қўмитаси Халилходжичнинг номзодини Ижроқўмга тавсия қилган. Ижроқўм тасдиқласа, европалик мутахассис Япония терма жамоаси бош мураббийи сифатида иш бошлайди.
Воҳид Халилходжич Жазоир терма жамоаси билан ЖЧ-2014да иштирок этиб, нимчорак финал босқичигача етиб борган. У янги иш жойида 2 миллион евро йиллик маош олади.
Япониянинг аввалги бош мураббийи Хавьер Агирре эса Испания чемпионатидаги фаолиятидаги келишилган ўйинларда айблангани боис истеъфога чиқарилганди.
Япония терма жамоаси 27 ва 31 март кунлари Тунис ва Ўзбекистон терма жамоалари билан ўз майдонида ўртоқлик ўйинини ўтказади.
