"Реал"клуби ўзининг уй стадиони "Сантьяго Бернабеу"да 30 май куни бўлиб ўтадиган "Барселона" ва "Атлетик" ўртасидаги Испания кубоги финали учрашуви ўтказилишига қарши.
Айтилишича, стадион май ойи охирларида сегундага чиқишга тайёрланаётган "Реал"нинг иккинчи жамоаси билан банд бўлади.
Аммо клубнинг Испания футбол федерациясига расмий мурожаатда айтилишича, "Реал" ҳатто ўзи иштирок этган тақдирда финалларнинг "Сантьяго Бернабеу"да ўтказишни истамайди.
Эслатиб ўтамиз, 2012 йилда ҳам Испания кубоги финалидан олдин "Реал" таъмирлаш ишлар олиб борилишини рўкач қилиб уни ўз стадионида ўтказишга рози бўлмаган эди.
