"Фиорентина" бош мураббийи Винченцо Монтелланинг айтишича, Муҳаммад Салаҳнинг жамоага қўшилиши таркиб ва тактика танлаш имкониятини кенгайтириб юборди.

Италия кубоги яримфиналида "Ювентус" дарвозасига "дубль"ни қўшиб ҳисоблаганда, "Челси"дан ижарага олинган 22 ёшли футболчи 7 ўйинда 6та гол урди.

"Салаҳнинг Куадрадо ўрнига келиши ҳақиқатдан ҳам бизнинг тактик имкониятларимизни кенгайтирди. Кўп гол ураётганига қарамай, фақат Муҳаммад эмас, бутун жамоанинг ўйини кучайиб бормоқда. У ажойиб формда, умид қиламизки шу руҳда давом этади. У жамоага ажойиб равишда қўшилиб кетди.

Яхши футболчини қўшиболаётганимизни билар эдик, аммо тўғрисини айтсам, у жамоага бу даражада таъсир ўтказадаи деб ўйламаган эдим. Бу кутилмаган ҳол", - дейди Монтела.