Ўзбекистонлик футболчиларни кўрикдан ўтказиш учун ташкил қилинган "Футбол МЕД" ташкилоти ёпиладиган бўлди. Бу ҳақда ЎФФ президенти Мираброр Усмонов йил номзодларини тақдирлаш маросимидаги нутқида билдириб ўтди.
"Шу йилнинг 1 апрелидан бошлаб "Футбол МЕД" ташкилотини ёпяпмиз. Бунинг сабаби: янги қуриб битказилаётган Ўзбекистон олимпия қўмитаси биносида янги тиббиёт маркази очиляпти. У марказ ўта замонавий тиббий ускуналар билан таъминланмоқда. Бундай тиббиёт маркази Германия, Корея, Хитойдан кейин тўртинчи бўлиб Ўзбекистонда қурилди. Энди барча спортчилар мана шу тиббий марказда кўрикдан ўтказилади",- дейди ЎФФ президенти.
